ღონისძიებები

საახალწლო კარნავალი 2017

ღონისძიების სახელწოდება: საახალწლო კარნავალი 2017

კლასი: XI

მოსწავლეთა რაოდენობა: 8

განხორციელების ვადები: 3 კვირა

დამრიგებელი და ღონისძიების ორგანიზატორი:

  ბიჭიკო ოჩიგავა

წინარე ცოდა: 

მოსწავლეებს გააჩნიათ სცენაზე მუშაობის გამოცდილება. ფლობენ აუდიტორიის წინაშე მუსაობისთვის აუცილებელ უნარ-ჩვევებს. რამდენიმე მათგანს აქვს მუსიკალური სმენა, რაც მათ ეხმარება სიმრერების მორგებაში.

ღონისძიების მიზანი:

  დადებითი წინასაახალწლო განწყობის შექმნა. მაყურებელებში სასიამოვნო ემოციების გამოწვევა. სააშობაო ტრადიციებზე  მაყურებლის ინფორმირება. შემოქმედებითი უნარების წარმოჩენა. სცენაზე მუშაობისთვის საჭირო უნარების გამომუშავება. აუდიტორიის წინაშე გამოსვლისთვის საჭირო უნარების გამომუშავება/წახალისება. ურთიერთთანამშრომლობა.

გამოყენებული რესურსები: 

საახალწლო სათამაშოები, ფერადი ფურცლები, მიკროფონი, მაგნიტაფონი, ვიდეოკამერა, ფოტოკამერა, კომპიუტერი, პროექტორი.

მიღწეული შედეგი: 

 მოსწავლეებმა მიაღწიეს შედეგს და შესანიშნავად წარმოაჩინეს თავიანთი უნარები. მათ მიერ შესრულებულმა ნომრებმა მაყუურებლებს დადებითი განწყობა შეუქმნა.

რეფლექსია

სეფიეთის საჯარო სკოლის მე-11 კლასის მოსწავლეებმა, სკოლის სააქტო დარბაზში საახალწო კარნავალი მოაწყვეს და 2015-2016 სასწავლო წელი შემოქმედებითად მრავალფეროვანი აქტივობებით გააცილეს. მოსწავლეები კარნავალისთვის სამი კვირის მანძილზე აქტიურად ემზადებოდნენ და თავიანთი უნარების წარმოჩენა სახვადასხვა აქტივობებით შეძლეს. ქართული და უცხოენოვანი სიმღერები, საინტერესო საახალწლო ინფორმაციები, იუმორისტული ნომრები დ ა სახალისო საცეკვაო ნომრები, ეს ღონისძიების ის ძირითადი აქტივობები გახლდათ, რომლებშიც როლები შესაძლებლობების მიხედვით გადაინაწილეს და მაყურებელთა სიმპატიაც დაიმსახურეს. კარნავალი საინტერესო ვიდეოებით იყო გაჯერებული, რომელიც პროექტორის მეშვეობით იქნა ნაჩვენები და ღონისძიება გაცილებით საინტერესო და ორიგინალური გახადა. განსაკუთრებული მოწონება იუმორისტულმა ნომრებმა და მეგრულმა სიმღერამ დაიმსახურეს, რაც მაყურებელთა მქუხარე აპლოდისმენტებით გამოიხატა. კარნავალს სკოლის პედაგოგებთან და მოსწავლეებთან ერთად სხვადასხვა სოფლებიდან ჩამოსული სტუმრებიც ესწრებოდნენ. კარნავალის ქრონომეტრაჟი 1:30 საათს შეადგენდა და მიზანი, რომ მაყურებელთათვის დადებითი წინასაახალწლო განწყობა შეექმნა მიღწეული იქნა.

 

ვიდეოკოლაჟი

ფოტოკოლაჟი

 

 

----------------------------------

სეფიეთობა 2016

სკოლა:სსიპ აბაშის მუნიციოალიტეტის სოფელ სეფიეთის საჯაროსკოლა 

კლასი: 1-12

ღონისძიების მიზანი: შრომის ფასის დაფასება. სასიამოვნო განწყობის შექმნა. ქართული ფოლკლორის (მეგრული ჰანგების) პოპულარიზაცია. მოსწავლეებში, აუდიტორიის წინაშე გამოსვლის უნარების ჩამოყალიბებება. სხვადასხვა თეატრალური როლების მორგება. სოფლის ნობათის პრეზენტაცია/დეგუსტაცია. სტუმარ-მასპინძლობის ტრადიციისადმი პატივის მიგება.

განხორციელების ვადები: 3 კვირა

 

ორგანიზატორი და სცენარის ავტორი: ბიჭიკო ოჩიგავა

მოკლე მიმოხილვა

21 ნოემბერს სოფელ სეფიეთის მთავარანგელოზთა სახელობის ტაძარში მთავარანგელოზობის დღესთან დაკავშირებული სადღესასწაულო წირვა-ლოცვა აღევლინა. საგანგებოდ ამ დღეს, ტაძარს ჭყონდიდის ეპარქიის მიტროპოლიტი მეუფე პეტრე ეწვია, რომელმაც საღვთო ლიტურგიაში მიიღო მონაწილეობა და მრევლი დალოცა. ტაძარს რაიონის სხვადასხვა სოფლების მოძღვრებიც სტუმრობდნენ. წირვის დასრულების შემდეგ მეუფე პეტრემ, მოძღვრებმა და მრევლმა სოფლის კულტურის სახლის ეზოში გადაინაცვლეს, სადაც მათ სკოლის მოსწავლეებმა, პედაგოგებმა და მშობლებმა უმასპინძლეს. სპეციალურად ამ დღისთვის, მოსწავლეები რამდენიმე დღის განმავლობაში აქტიურად მუშაობდნენ და კულტურის სახლის ეზოში ფაცხები საკუთარი ხელებით ააშენეს. ლამაზი ორნამენტებით მორთულმა და პურმარილით დახუნძლულმა ფაცხებმა სტუმრების აღფრთოვანება გამოიწვია. მეუფე პეტრემ მოსწავლეები დალოცა და გულთბილი დახვედრისთვის მადლობა გადაუხადა. ფაცხების დათვალიერების შემდეგ, სტუმრებმა კულტურის სახლში გადაინაცვლეს, სადაც მათ სკოლის აღსაზრდელები შეეგებნენ და მათი შემოქმედება წარუდგინეს. სიტყვით გამოვიდა სკოლის დირექტორი პაატა რურუა, რომელმაც სტუმრებს სეფიეთის ისტორიული ქრონიკა გააცნო. ისტორიკოსმა როლანდ მაკალათიამ კი სეფიეთის ტაძრის მოძვრის მამა ანდრიას დამსახურებაზე ისაუბრა და მოძღვარს აღსაყდრებიდან 20 წლის იუბილე მიულოცა. შეხვედრის დასასრულს, მოძღვარს იუბილე მიულოცეს მისმა თანასოფლელებმაც. აღსანიშნავია ისიც, რომ სეფიეთობა, როგორც ერთგვარი ტრადიცია ყოველი წლის 21 ნოემბერს გაიმართება.

 ფოტო გალერეა

 

 

სცენარი

-         მოგესალმებით მობრძანებულო სტუმრებო და ძვისფასო სეფიეთელებო. დღეს ზეიმია ჩვენს სოფელში და დიდი მადლობა, რომ გამონახეთ დრო და ჩვენთან ერთად იზიარებთ ამ სიხარულს.

-         დღეს 21 ნოემბერია. შემოდგომის ამ ულამაზეს დღეს, ქართული მართლმადიდებლური ეკლესია მთავარანგლოზებ მიქაელისა და გაბრიელის ხსენებბის დღეს აღნიშნავს

-         მთავარანგელოზობის დღესთან დაკავშირებით,  დღეს ქართულ მართლმადიდებლურ ტაძრებში სადღესასწაულო წირვა-ლოცვა აღევლინება

-         ამ მხრივ ცხადია გამონაკლისი არც ჩვენი უძველესი ტაძარია, რომლისთვისაც ეს დღე განსაკუთრებით სიმბოლურია, რადგან ის სწორედ მთავარანგელოზთა სახელს ატარებს

-         დაგეთანხმები, თუმცა მინდა დავამატო ისიც, რომ დღევანდელი დღე ჩვენი ტაძრისვთის და მისი მრევლისთვის ორმაგად მნიშვნელოვანი და სასიამოვნოა, რადგან სპეციალურად ამ დღისთვის ჩვენს სოფელს ჭყონდიდის მიტროპოლიტი მეუფე პეტრე ეწვია, რაც ნამდვილად დიდი წყალობაა თითოეული სეფიეთელისთვის.

-         მოდი ვთხოვოთ ჩვენს მგალობლებს ერთი ძალიან ლამაზი მრავალჟამიერით წარსდგნენ მუფის წინაშე

-         რა თქმა უნდა. ვთხოვთ მგალობლებს სცენაზე

(((მრავალჟამიერი)))

-         დიდი მადლობა ბიჭებო. 

-         სეფიეთის ისტორისოფელი სეფიეთი უძველესი სოფელია აბაშის რაიონში, რომლის სახელთანაც არაერთი საინტერესო ლეგენდაა დაკავშირებული. მის ისტორიულ ქრონიკას საინტერესო მოვლენებთან და ფაქტებთან მივყავართ.ლეგენდის თანახმად სოფელი სეფიეთი ცხოვრების ასპარეზზე სავარაუდოდ ცვენი წელთაღრიცხვის მეორე საუკუნეში გამოდის და რამდენიმე ასწლეულის შემდეგ ისევ წყვეტს არსებობას. მართალია ეს ფაქტი ისტორიულ წყაროებში ოფიციალურად არ დასტურდება, თუმცა ამ ფაქტსაც თავისებური ახსნა მოეპოვება. 

-         როგორც ავღნიშნეთ ჩვენი ტაძარი მთავარანგელოზთა სახელს ატარებს, თუმცა აქვე  ძალიან საინტერესო ისტორიას ინახავს. რომელი საუკუნით თარიღდება ის, რას გვიყვება ლეგენდა მასზე და როგორ მოაღწია მეოცე საუკუნის პირველ ნახევრამდე,  ამაზე ჩვენი სკოლის დირექტორი ბატონი პაატა რურუა ისაურებს.

ტაძრის ისტორია

-         დიდი მადლობა ბატონ პაატას, რომელმაც საკმაოდ საინტერესო ისტორიული დეტალები გაგვაცნო. რა გზა განვლო ტაძარმა დიდი მდუმარებიდან დღემდე, როგორ აღსდგა მასში ღვთისმსახურება და რა წვლილი მიუძღვის მასში მამა ანდრიას ამაზე ჩვენი სკოლის ისტორიკოსი როლანდ მაკალათია ისაუბრებს.

-         სეფიეთი ოდითგანვე გამოირჩეოდა მისთვის დამახასიათებელი ტრადიციითა და კულტურით. ქართული ხალხური სიმღერა, ცეკვა და შაირი ათწლეულების განმავლობაში აერთიანებთა სოფლის ახალგაზრდობას. იმართებოდა ჯარიანობა. არსებობდა ხალხური ანსამბლები. ყოველივე ეს კი მაშინდელი სოფლის მოსახლეობის  ჯანსაღი სულიერების მანიშნებელია

-         ტრადიციებს აგრძელებენ თანამედროვე სეფიეთელებიც. ქართული სიმღერა დღეს აქ ისევე პოპულარულია, როგორც წლების წინ და ამაში ახლავე დავრწმუნდებით.

სიმღერა ,,სკან გოლუა“

-         როგორც უკვე მოვისმინეთ კომუნისტურმა რეჟიმმა ისევე, როგორც მთელს საბჭოთა კავშირის,  ჩვენი ტაძრის სივრცეშიც წმინდა სანთლის ჩაქრობა გამოიწვია. დიქტარტორული რეჟიმი გაცხოველებით ებრძოდა ყოველგვარ რელიგიურ გამოვლინებას. მართალია სეფიეთელი მრევლისთვის ტაძრის კარი დაკეტილი იყო,  თუმცა მათ ოჯახებში სანთელს ბრწყინვა არასოდეს შეუწყვეტია.

-         ახალი ეპოქა ჩვენი ტაძრის ისტორიაში 1996 წელს დაიწყო. კომუნისტური ბორკილებისგან გათავისუფლებულ ტაძარში მოძღვრად ამავე სოფლის შვილი მამა ანდრია ეკურთხა, რომელმაც ტაძრის წიაღში გააერთიანა სოფლის მართლმორწმუნე მოსახლეობა

-         დღევანდელი დღე მამა ანდრიასთვის განსაკუთრებულად სიმბოლური და საიუბილეოა, რადგან მისი მოძღვრად კურთხევიდან ზუსტად 20 წელი გავიდა. მოდით მივულოცოთ ჩვენს სულიერ მამას ეს მნიშვნელოვანინ თარიღი. ერისკაცობაში როლანდი მელია,  ხოლო  სასულიერო ცხოვრებაში  მამა ანდრია  1973 წელს დაიბადა. სწავლობდა სეფიეთის საჯარო სკოლაში, რომლის დამთავრების შემდეგ სწავლა განაგრძო. სასულიერო სასწავლებელში . ისევე, როგორც ყველა მისი თანატოლი, ძალიან აქტიური ბავშვი იყო, უყვარდა ფეხბურთი და ცეკვა. აქტიურად მონაწილეობდა საერო ცხოვრების აქტუალურ საკითხებში. სულიერი გარდატეხა .....ასაკში მოხდა, რამაც გავლენა მის შემდგომ ცხოვრებაზე იქონია.

-          1996 წელს საკუთარი სოფლის სულიერი მამა გახდა და სოფლის მართლმორწმუნე მოსახლეობა ტაძრის წიაღში გააერთიანა. წლების მანძილზე უფუნქციოდ დარჩენილი ტაძრისა და სულიერ ქრტეხილებ გამოვლილი მოსახლეობის წინამძღვრობა სულაც არ იყო ადვილი, თუმცა ღთისმიერმა სიყვარულმა და უფლის შემწეობამ მამა ანდრიას ღირსეულად ატარებინა ესოდენ მძიმე ჯვარი და უკვე ორი ათწლეულია ის არამარტო სეფიეთის მოსახლეობის საყვარელი სულიერი მამაა.

-         ახლა კი სცენაზე ვიწვევთ მამა ანდრიას ქალიშვილს ქრისტინა მელიას, რომელიც ჩვენს მოძღარს ერთი ლამაზი დღით მიულოცავს ამ ღირშესანიშნავ დღეს.

ქრისტინა ,,საქართველო“

-         ახლა კი დროა სცენა ჩვენი სკოლის კიდევ ერთ მოსწავლეს დავუთმოთ, რომელიც პატრიარქის მიერ დაწერილ ლექსს წაიკითხავს. ნინო მელია სცენაზე.

ნინო და ნანო-პატრიარქის ლექსი

საქართველო უდიდესი კულტურის მატარებელი ქვეყანაა. ქართული ცეკვა და სიმღერა მსოფლიოშია აღიარებული, თუმცა განსაკუთრებული და ტკბილჰანგოვანია მეგრული სიმღერა, რომელიც ნათლად გამოხატავს მეგრელი კაცის სულსა და გულს. ამაში ახლა კიდევ ერთხელ დავრწმუნდებით. ანი და მედეა სცენაზე.

ანი და მედეა ,,სამარგალო ნანინა“

-         ლოლიტა ჩვენ მოვისმინეთ ძალიან ლამაზი სიმღერები და ლექსები, თუმცა ქართული კულტურა მხოლოდ სიმღერით როდია ცნობილი

-         მართალი ხარ ბიჭიკო ქართული ტრადიციული ცეკვა ხომ მსოფლიოშია ცნობილი. მოდით მივესალმოთ ჩვენს მოცეკვავეებს.

ცეკვა

-         დიდი მადლობა მოცეკვავეებს. ახლა კი თქვენის ნებართვით ჩემს სულიერ მამას, ერთი ლამაზი სიმრერით მეც მივულოცავ ამ ღირშესანიშნავ თარიღს

ხმალი ავლესოთ

-         ახლა კი თქვენს წინაშე წარსდგებიან ჩვენი სკოლის ის პატარა აღსაზრდელები, რომლებიც მუხურჩაში ცხოვრობენ, თუმცა განათლების კერად ჩვენი სოფლის სკოლა აირჩიეს. ვთხოვთ მათ სცენაზე.

( მუხურჩელი ბავშვები)

-         მოდით ახლა სცენა ჩვენი სკოლის პატარა აღსაზრდელებს დავუთმოთ, რომლებიც ლამაზი ლექსებით გამოხატავენ თავიანთ ემოციებს

1-2 კლასელები

ბასტი ბუბუს ბავშვები ორივე სიმღერით.

-         დღევანდელ ზეიმში თანაბარი ინტერესით ჩაერთვნენ, როგორც დაწყებითი კლასების, ისე დამამთავრებელი კლასების მოსწავლეები, რომლებმაც ძალიან საინტერესო კომპოზიციაზე იმუშავეს. მოდით მოვუსმინოთ მათ.

-         ახლა კი თქვენის ნებართვის ერთი ქართული სიმღერით მეც მივულოცავ მამა ანდრიას დღევანდელ დღეს.

-         დღევანდელი ჩვენი მოკრძალებული ღონისძიების მიზანი იყო თქვენთვის და განსაკუთრებით მამა ანდრიასთვის ერთი სასიამოვნო დღე გვეჩუქებინა და

მგონი გამოგვივიდა კიდეც

-         გვინდა დიდი მადლობა გადაგიხადოთ მობრძანებისთვის და მომავალ სეხვედრამდე დაგემშვიდობოთ.